Boletín de Noticias

O que debes saber sobre a QUIMIOTERAPIA

Documentación » O que debes saber sobre a QUIMIOTERAPIA

 

O que debes saber da
QUIMIOTERAPIA
 
¿Que e a quimioterapia?


Son medicamentos capaces de destruir as células canceríxenas e tumorais, impedindo o seu crecemento e multiplicación.

 

¿Como inflúe a quimioterapia sobre as células tumorais?


O sangue é o encargado de levar o medicamento ata o tumor e ó resto do organismo. A substancia antitumoral repártese por todo o corpo, sobre todo nas células canceríxenas. Dentro destas células o medicamento impide o seu crecemento e multiplicación , o cal conduce á súa destrucción.

 

¿Cómo inflúe a quimioterapia sobre as células sas?


Hoxe por hoxe, a quimioterapia actúa tamén sobre aquelas células do corpo que se dividen rapidamente, como son as da médula ósea (sangue) , o aparello dixestivo, o sistema reproductor e os cabelos. Sen embargo, as células normais teñen unha grande capacidade de recuperación, volvendo á normalidade tras rematar o tratamento.

 

¿Cales son os posibles efectos secundarios?


1.- CAIDA DO CABELO: Non todos os fármacos teñen o mesmo poder para producir este efecto. O máis fecuente é que se perda pelo do coiro cabeludo, pero en ocasións pódese perder tamén das cellas, pube e axilas. Tamén hai que ter en conta a sensibilidade persoal de cada individuo a esta acción tóxica. O pelo volverá a crecer ó finalizar os tratamentos.
É aconsellable
• Cortar o pelo bastante curto antes de empezar o tratamento.
• Lavalo con xampú neutro.
• Poden usarse panos, turbante ou gorro, ou comprar unha perruca.

2.- NAUSEAS E VÓMITOS: A causa deste efecto débese á acción dos medicamentos en dous lugares, un no sistema nervioso central e outro no propio tubo dixestivo.
E aconsellable
• Tomar poca cantidade de comida e aumentar o número de inxestas.
• Evitar o exceso de líquidos antes, durante e despois de comer.
• Evitar comidas pesadas, graxas, fritos ...
• Comer amodo e mastigar ben para facilitar a dixestión.
• Deixar que pasen dúas horas tralas comidas antes de deitarse.
• O médico darache medicación se a precisas.

3.- ALTERACION DOS COMPOÑENTES DO SANGUE: As células do sangue vense afectadas en maior ou menor medida pola quimioterapia. Polo tanto, prodúcese un descenso temporal, máis frecuente entre os 7 e 15 días despois da administración da medicación, sendo máis susceptibles os leucocitos e as plaquetas.

4.- LESIÓNS CUTÁNEAS E VENOSAS: Algún destes fármacos, cando están en contacto cos tecidos , producen unha queimadura química. Para evitar esta situación debemos seguir estrictamente as instruccións do persoal de enfermería.
As lesións venosas en xeral , son inflamacións da vea utilizada,chamadas flebite, que produce dor e produce unha cor vermella na zona que normalmente cede nuns días.

5.- CHAGAS E SEQUIDADE NA BOCA: se aparecen é aconsellable:
• Tomar comidas líquidas e brandas evitando irritantes.
• Axudarse cuhna palliña para poder tragar mellor.
• Practicar a hixiene bucal e dentaria, mantendo limpos os dentes e enxivas para evitar a infección.

6.- ALTERACIÓNS SEXUAIS E DO CICLO MESTRUAL.
Durante o tratamento con quimioterapia poden aparecer alteracións da regra, retrasos, irregularidades ou mesmo chegar a desaparecer. Tras finalizar o tratamento soe nas persoas novas recuperar os seus ciclos mestruais.
É importante mencionar que a quimioterapia actúa negativamente sobre a actividade sexual. É fundamental que tanto a paciente como a súa parella coñezan este feito, comprendan a situación e intenten superalo.
Durante o tratamento con quimioterapia haberá que poder medidas oportunas para evitar un embarazo que, aínda que raro, pode ocorrer e non é aconsellable.

 

RECOMENDACIONS XERAIS DURANTE A QUIMIOTERAPIA


COMIDAS: mentres dure a quimioterapia é importante que tomes unha dieta adecuada; esta axudarache a manter as forzas e a recuperarte mellor dos efectos secundarios.
1.Aumenta o consumo de froita e verdura, especialmente frescas.
2.Consumir alimentos ricos en fibras.
3.Consumir menos azocar, menos sal e menos graxa.

BEBIDAS: durante a quimioterapia, o corpo ten que estar ben hidratado, para facilitar a eliminación de medicamentos que non se absorveran polas células eviatr que perxudiquen os riles e outros órganos. Bebe dous litros de nuga día, salvo que o médico indique o contarrio.

ACTIVIDADE-REPOSO: pódese realizar unha vida normal
• Debes saír se che apetece.
• Realizar exercicios de ximnasia que requiran pouco esforzo.
• Paseos dunha hora ó día.
• Intentar manter o ritmo de sono:fixar horario de levantarse e acostarse
• Se non podes dormir, consulta ó teu médico
 

 

NomeTamañoData
icor_quimioga.pdf

O que debes saber sobre a QUIMIOTERAPIA

505.82 KB08-03-2016 17:12
  • Engadir enlace a:
  • digg.com
  • delicious.com
  • facebook.com

Visitas desde el 18/03/2012