Boletín de Noticias

REPRODUCIÓN ASISTIDA ÁS ENFERMAS ONCOLÓXICAS

Actividades » REPRODUCIÓN ASISTIDA ÁS ENFERMAS ONCOLÓXICAS

21-11-2017 13:42
NON O PERDAS:
Este martes 21 de novembro, ás 6 da tarde en ADICAM, temos a oportunidade de informarnos sobre as solucións que ofrece  a REPRODUCIÓN ASISTIDA ÁS ENFERMAS ONCOLÓXICAS. Contaremos con 4 magníficos especialistas expertos neste tema. Visitaranos a Dra. Sabela García Oro, que formou parte do equipo médico que logrou o nacemento da primeira nena no noso país sen a mutación no BRCA1, un xene estreitamente relacionado co cancro de mama, entre outros tipos de tumores. A historia desta nena comezou en 2012, cando a súa nai, portadora desta mutación, foi diagnosticada aos 29 anos dun cancro de mama e, antes de recibir a quimioterapia -e para poder preservar a súa fertilidade pois esta pode danar de maneira irreversible os ovarios- someteuse a unha vitrificación de ovocitos, un procedemento que permite extraer e conxelar varios óvulos para o futuro.
Unha vez superado o cancro, en 2015, decidiu someterse a tratamento de reprodución asistida, porque non quería que a súa futura descendencia fose portadora desta mutación. E como a Lei de Reprodución Asistida autoriza a selección xenética de embrións para determinadas enfermidades de forma directa, solicitou á Comisión Nacional de Reprodución Asistida (CNRA) autorización para realizar un diagnóstico xenético preimplantación (DGP), unha técnica na que se realiza unha selección de embrións libres desta mutación e que posteriormente se transfiren ao útero. No ano 2016, se desvitrificaron os óvulos, se fecundaron e obtivéronse tres embrións sen a mutación no xene BRCA1. Aínda que a primeira transferencia foi negativa, a segunda foi positiva e deu lugar, despois de nove meses, á nena que naceu o pasado 31 de agosto de 2017 sen a predisposición xenética a padecer cancro de mama e ovario. É o quinto bebé que se beneficia desta técnica (a primeira nena sen BRCA1). Antes, en ano 2011, naceu en Barcelona o primeiro home sen a mutación en BRCA1; posteriormente, en 2016 en Zaragoza, outro neno sen a mutación en BRCA2; e por último, dúas xemelgas tamén sen a BRCA2.
 
  • Engadir enlace a:
  • digg.com
  • delicious.com
  • facebook.com