Boletín de Noticias

Noticias
  • Vi-certamen-pintura-adicam-1-pequena.jpg

    VI certame de arte ADICAM 2017

    17-06-2017 12:41
    Xa está convocada a sesta edición de arte ADICAM, co lema de "Oficios da muller galega como patrimonio inmaterial de Galiza".
     
    O prazo para a presentación de traballos está xa aberto e os interesados dispoñen ata o 29 de setembro para entregar as súas obras.
     
    O xurado estará formado por unha representante da Facultade de Belas Artes da Universidade de Vigo, directivas de Adicam, o debuxante e artista Luís Davila e o médico do PAC e graduado en Belas artes José Luis Bueno Díaz. Cada artista poderá presentar un máximo de tres obras, que teñen que ser orixinais e non poden haber sido premiadas en ningún outro certame. A única limitación dos traballos será o seu formato, que no seu lado máis longo non poderá superar os 80 centímetros.
     
    As obras terán que presentarse na sede de Adicam (na Casa dá Bóla, na rúa Valentín Losada). Debe acompañarse dun sobre co pesudónimo do autor no exterior, mentres que no interior deben figurar os datos persoais.
  • Anteriores - Certamen de arte ADICAM

Actividades previstas para este outono/inverno

Actividades » Actividades previstas para este outono/inverno

06-09-2013 13:10

Cangas a 8 de agosto de 2013

Estimada soci@:

Unha vez mais poñémonos en contacto contigo para informarte das próximas actividades previstas para este inverno e para o mes de Outubro, no que celebraremos un ano mais o Día Internacional do Cancro de Mama (19 de outubro).

ACTIVIDADES PARA O INVERNO. *Imprescindible anotarse antes do comezo chamando ao 986307158 ou acudindo ao local de Cangas de 10:00 a 13:00h.

-PANDERETA: Todos os mércores de 19:00h  a 20:00h a partir de outubro no noso local da Casa da Bola. O prezo é de 15 € ao mes por persoa.

-PILATES: Comezaremos en setembro cunha frecuencia de 2 días á semana. O prezo é de 18€ por persoa e se poden escoller os seguintes grupos:

-Pilates adapatado para pacientes oncolóxicos:

Martes e Xoves 9:00-10:00h

Luns e mércores de 19:00-20.00h.

 

-Pilates:

Martes e xoves de 10:00-11:00h

Luns e mércores de 20:00-21:00h.

 

-YOGA: Comezaremos en setembro  cunha frecuencia de 2 días á semana cun prezo de 23€ por persoa. Podes  escoller os seguintes grupos.

Martes e xoves de 9:00 a 10:30h

 

Martes e Xoves de 19:00 a 20:30h

 

-TALLER DE ABALORIOS E CALCETA: Xoves de 18:30 a 20:30h no  local de Casa da Bola. O prezo é de 15€ ao mes.

-TAI-CHI: Mércores de 20:30 a 21:30h no Ximnasio de Nazaret. Prezo 10€ ao mes.

-BAILE (Salsa, merengue, samba...): Venres de 20:30 a 21:30h no Ximnasio de Nazaret. Prezo 10€ ao mes.

-PUNTO DE CRUZ: Mércores de 11:00 a 12:00h. O prezo é de 3 € ao mes. Comeza en outubro.

-GIMNASIA DE MANTEMENTO: Esta actividade está organizada polo Concello de Cangas para socias de ADICAM empadroadas en Cangas. Ainda non se abriu o prazo de inscripción pero podes ir anotándote e avisaremos ás persoas interesadas.

-ASESORAMENTO DIETÉTICO: Con Ángela Gallego Asesora dietética e experta en reeducación alimentaria. Estas consultas son gratuitas para mulleres que estén pasando ou teñan pasado por un cancro de mama e se realizan con cita previa os xoves pola tarde.

-EXCURSIÓNS: Antes de que remate o ano temos previstas dúas excursións, nunha percorreremos  o Conxunto histórico de Redondela: Camiño de Santiago, Praia e porto de Cesantes e illa de San Simón, cun prezo por persona de 10 euros e outra das excursións previstas será a un Balneario cun prezo de 20 euros por persoa, ambos prezos inclúen comida. Ainda non temos confirmadas as datas pero xa podes ir anotándote.

-CHARLAS: Cada primeiro martes de mes ás 18:00h no noso local de Cangas e con entrada libre organizaremos charlas sobre diferentes aspectos que afectan á saúde. O día 8 de outubro reanudaremos estas charlas con unha titulada “Suelo pélvico na muller”.

-EXPOSICIÓNS: O horario para visitar as diferentes Exposicións que terán lugar no noso local de Cangas será luns, mércores e xoves de 17:00 a 19:00h e polas mañás os xoves de 11:00 a 13:00h. As inauguracións faranse os venres a partir das 20:30h.

-PINTURA: Temos previsto realizar esta actividade no noso local de Cangas os venres de 18:00 a 20:00h por un prezo de 18 euros ao mes. Comezaremos en outubro.

-CURSO TÉCNICAS DE MASAXE TERAPÉUTICO: Este curso terá unha duración de 30h e está organizado pola Deputación de Pontevedra dentro do seu programa “Pensa en Ti”. Levarase a cabo no noso local de Cangas a partir de Outubro e o prezo por persoa será de 6 euros. O horario previsto será luns e venres de 10:00 a 12:00h.

-REIKI: Os martes de 11:00h a 13:00h no noso local de Cangas levaranse a cabo “Terapias individuais de Reiki” por Mariví Galdo. As sesión realizaranse con cita previa e terán un prezo de 10€ para pacientes oncolóxicas e 20€ para socios en xeral.

-TALLER DE RELAXACIÓN E SAÚDE: Os martes de 17:30 a 19:00h (Excepto o primeiro martes de mes). Este taller será impartido por Gemma Max Rodríguez Educadora Social e o prezo por persona será de 18 euros ao mes. Comezará en Outubro.

ACTIVIDADES OUTUBRO *A programación de outubro é provisional, para recoller a programación definitiva consulta a nosa web, facebook ou pasa polo noso local a principios de outubro.

A principios de outubro presentaremos o noso calendario para o 2014 que xa estamos confeccionando e no que as protagonistas serán mulleres que pasaron por un diagnóstico de cancro de mama.

-O día 19 de Outubro celebraremos unha “XORNADA DE PORTAS ABERTAS” na nosa sede de Cangas con diferentes talleres, proxeccións de películas e documentais e a presenza de diferentes profesionais da saúde. Ademais os días 9, 11 e 22 de Outubro levaremos a cabo tres talleres prácticos sobre temas relacionados coa saúde.

 -O día 20 de outubro (domingo) celebraremos a nosa “V MARCHA SOLIDARIA CAMIÑA CON ADICAM” sairemos andando de Bueu (10:00h) e de Moaña (10:15h) ata chegar a Cangas onde nos reuniremos diante da nosa sede na  Casa da Bola e daremos lectura a un manifesto. O propósito desta marcha é enviar unha mensaxe de ánimo a mulleres que están pasando por un cancro de mama.

-Os días 25 e 26 de outubro no Salón de Plenos do Concello de Cangas levaremos a cabo as nosas “XII XORNADAS SOBRE CANCRO DE MAMA ORGANIZADAS POR ADICAM”, coa presenza de diferentes profesionais da medicina e dunha figura internacional. Ademais faremos entrega do II Premio Especial ADICAM.

O sábado día 2 de Novembro  CEA-BAILE. Ainda non temos elexido o restaurante nin o menú pero xa podes anotarte.

Seguimos co PROGRAMA DE PREVENCIÓN DO CANCRO DE MAMA PARA MULLERES MAIORES DE 70 ANOS. Unha vez á semana temos o pracer de contar coa presenza do Dr. Jorge Cameselle Teijeiro que realiza exploracións mamarias con cita previa a mulleres maiores de 70 anos.

Ademais, seguimos ofrecendo APOIO PSICOSOCIAL  gratuito a mulleres afectadas de cancro de mama e ás súas familias.

Recibe unha aperta e anímate a camiñar con nós.

A XUNTA DIRECTIVA DE ADICAM.

  • Engadir enlace a:
  • digg.com
  • delicious.com
  • facebook.com

Visitas desde el 18/03/2012