¿Que é ADICAM?
ADICAM é unha Asociación de persoas afectadas de cancro de mama e xinecolóxico que xorde en Cangas no ano 2001 e conta cun total de 1875 socios e socias no ano 2022. ADICAM está formado por unha amalgama de persoas afectadas de cancro de mama, cancro xinecolóxico e afectadas de outro proceso oncolóxico, familiares, profesionais e colaboradores que se solidarizan cá causa. Centrándonos de novo no labor da asociación e remontándonos os inicios, ADICAM nace coa finalidade de fomentar o desenvolvemento do apoio social e a axuda mutua, para conseguir que as mulleres teñan unha mellor calidade de vida e benestar.
Na actualidade para poder levar a cabo todas as nosas actividades e o traballo da asociación contamos cun amplío equipo de profesionais (ver organigrama).
Por tanto, podemos dicir de ADICAM que é unha asociación sen ánimo de lucro, non gobernamental, que realiza apoio social e promove novos servizos, complementarios ós realizados polas institucións públicas.
![](https://adicam.net/wp-content/uploads/2020/06/forza-rapazas-vectorizado-01-1-854x1024.png)
Entre os servizos que se ofrecen pola asociación atopamos: apoio emocional, atención psicolóxica e social, información e asesoramento, charlas sobre educación para a saúde (prevención, nutrición…), aspectos médicos e emocionais do cancro de mama, cursos de relaxación e prevención do linfedema e a organización de actividades lúdicas e de lecer.
Fina Acuña
Fina nace en Cangas o 26 de setembro de 1968; a nivel laboral traballou no eido da hostalería, para posteriormente comezar có seu propio comercio.
No ano 2000 e xa diagnosticada de cancro de mama, róndalle na cabeza a idea de comezar cun proxecto asociativo froito da súa propia experiencia vital, para dar resposta as necesidades presentadas polas mulleres afectadas de este tipo de patoloxía; é así como xorden diferentes reunión na casa da Cultura para dar a coñecer as súas ideas e incentivar, tanto a profesionais do área sanitaria como a poboación en xeral, o seu ilusionante proxecto.
É así como o 21 de xaneiro do 2001 comeza a súa andadura o seu proxecto chamado ADICAM
Segundo ela mesma dicía: “se me ocorreu crear unha asociación para dar luz a todo o negro, para dar truquiños para mellorar a calidade de vida, para axudar e quitar o tabú que había naquel momento”.
A nivel persoal, Fina tivo dous fillos: Adrian e Manuel; ela falaba de ADICAM coma un fillo máis, ela foi o referente e estivo a fronte da asociación e da presidencia o longo de 15 anos.
En palabras das que a coñecían, a definían como unha muller, afable, afectuosa, humilde e optimista, sempre loitadora e cun sorriso incansable; ela foi capaz de movilizar a diferentes persoas da comunidade para crear ADICAM, o seu traballo xa forma parte da Historia de Cangas.
Últimas novas
![](https://adicam.net/wp-content/uploads/2023/10/si437a_modelo_cartel_pacto_estado_page-0001.jpg)
Axudas dirixidas ás asociacións de mulleres e ás federacións constituídas por estas, coa finalidade de fortalecer e consolidar o movemento asociativo e potenciar a participación social e a calidade de vida das mulleres galegas. Secretaria xeral de igualdae
Adicam recibe unha subvención para o fomento de asociacionismo e participación das mulleres, cá cal pode solventar os seus gastos de mantemento dende outubro do
![](https://adicam.net/wp-content/uploads/2023/10/Igualdade-Vigo.png)
Subvención por parte da Concelleria de Igualde de Vigo para o programa “Sáude entre mulleres 2023”
ADICAM cá colaboración da Concellería de Igualdade-Concello de Vigo, puxo en marcha na cidade olívica, un proxecto multidisciplinar, para mellorar a calidade de vida das
![](https://adicam.net/wp-content/uploads/2023/10/POLO-MESMO-CAMINO.png)
Subvención do Concello de Vigo. Polo mesmo camiño 3.0: Programa de apoio psicosocial para persoas diagnosticadas de cancro de mama e xinecolóxico e os/as seus/súas familiares
ADICAM recibe por parte da Concelleria de Política e Benestar Social do Concello de Vigo, unha subveción para poder desenrolar os seus obradoiros na cidade